രണ്ട് C-130 J വിമാനങ്ങള് ജിദ്ദയില്; INS സുമേധ സുഡാന് തീരത്ത്; ഒഴിപ്പിക്കലിന് സജ്ജമായി ഇന്ത്യ
ന്യൂഡല്ഹി: സംഘര്ഷം നിലനില്ക്കുന്ന സുഡാനില്നിന്ന് ഇന്ത്യാക്കാരെ സുരക്ഷിതരായി ഒഴിപ്പിക്കാനുള്ള നടപടികള് ഈര്ജിതമാക്കി കേന്ദ്രസര്ക്കാര്. ഇതിന്റെ ഭാഗമായി ഇന്ത്യന് വ്യോമസേനയുടെ രണ്ട് സി-130ജെ വിമാനങ്ങള് സൗദി അറേബ്യയിലെ ജിദ്ദയില് സജ്ജമായി നില്ക്കുന്നതായും ഇന്ത്യന് നാവികസേനാക്കപ്പല് ഐഎന്എസ് സുമേധ സുഡാന് തീരത്തെത്തിയതായും കേന്ദ്ര വിദേശകാര്യമന്ത്രാലയം അറിയിച്ചു.കലാപരൂക്ഷിത സുഡാനില് കുടുങ്ങിക്കിടക്കുന്ന ഇന്ത്യാക്കാരുടെ സുരക്ഷയ്ക്കായി കേന്ദ്രസര്ക്കാര് എല്ലാവിധ ശ്രമങ്ങളും നടത്തി വരുന്നതായും സുഡാനിലെ നിലവിലെ സുരക്ഷാസാഹചര്യങ്ങളെ കുറിച്ച് സസൂക്ഷ്മം നിരീക്ഷിച്ചു വരുന്നതായും വിദേശകാര്യമന്ത്രാലയം വ്യക്തമാക്കി. സുഡാനില് നിന്ന് ഇന്ത്യാക്കാരെ സുരക്ഷിതസ്ഥാനങ്ങളിലേക്ക് മാറ്റുന്ന നടപടികളെക്കുറിച്ച് …